• Түмний төлөө

    Төрийн хяналт

  • Дотоод хяналт бол

    Хариуцлагын тогтолцоо юм

  • Эрсдлийн түвшинг тодорхойлж

    зөрчил дутагдлаас урьдчилан сэргийлнэ

Халаалтын зуух

2018-01-17

 Сүүлийн үед нам даралтын хаалтын зуухыг буруу угсарснаас осол, гэмтэл гарч улмаар хүний ам нас эрсдэх явдал гарах боллоо. Иймд энэ чиглэлээр ажилладаг аж ахуйн нэгж, байгууллагууд Дэд Бүтцийн Хөгжлийн сайдын 1998 оны 79 дүгээр тоот тушаалаар батлагдсан “Нам даралтын халаалтын ажиллагааны дүрэм”-ийг чанд мөрдөж ажиллах нь зүйтэй. Дээр дурдсан асуудлуудтай холбогдуулан аюулгүй ажиллагааны зөвлөмжийг хүргэж байна.


Зуух галлах арга
  • Зуух ба халаалтын сүлжээг усаар дүүргэж сүлжээний хийг сулласны дараа 2-3 атмосферын даралтанд оруулсны дараа зуухаа галлаж, усны хэм 60-70 градус С болсон тохиолдолд сүлжээний эргэлтийн шахуургыг ажиллуулна. Эргэлтийн шахуурга нь зуухнаас халсан усыг сорж, халаалтын сүлжээнд шахах замаар халаалтын усыг эргүүлнэ.
  • Халаалтын зуухыг ашиглагч аж ахуйн нэгж байгууллагын эрх баригч нь зуухны бүх тоноглолыг аюулгүй ашиглах нөхцөлийг бүрэн хангасан байхын дээр холбогох бусад ажилчдыг өөрийн тушаалаар томилно. Зуухны машинист нь /галч/ мэргэжлийн үнэмлэхтэй, эмнэлэгийн үзлэгт орж магадалгаа гаргуулсан, 18 наснаас дээш настай эрэгтэй хүн байна.
  • Халаалтын зуух бүрд манометр, термометр болон аваарын клапан бүрэн тавьсан байна.
  • Ажлын байранд эмийн сан, зөөврийн гэрэл, хамгаалах хэрэгсэл, ахуйн байраар хангасан байвал зохино.
  • Зуухны машинст өөрийн ажиллах хугацаанд зуухны ажиллагааны хэвийн горим тоноглолын бүрэн бүтэн байдлыг хариуцан ажиллах үүрэгтэй.
  • Зуухны тоног төхөөрөмжийг ажиллуулах /ус хангамжийн сүлжээний ажиллагаа, халаалтын сүлжээг усаар дүүргэх, усыг юүлэх технологийг бүрэн мэддэг байвал зохино./ Мөн галч нь зууханд доголдол илэрсэн бол үүссэн хор уршигийг арилгах анхан шатны арга хэмжээг бие даан авч чаддаг байх хэрэгтэй.
  • Зуухны байранд гадны хүн оруулах, галд шатамхай бинзен, керосин оруулахгүй байх.
     Зуухыг дараах нөхцөлд галлахгүй байх нь зүйтэй.
  • Усны алдагдалтай
  • Тэжээлийн усны бүх төхөөрөмж ажиллахгүй
  • Аваарын хавхалга ажиллагаагүй
  • Зуухан дотор гэмтэл гарч ус алдах зэрэг тохиолдолд галлахгүй байхыг анхааруулж байна.
     Зуухны машинст нь аюулгүй ажиллагааны талаар дараах шаардлагыг ханган ажиллах үүрэгтэй.
  • Усны темпратур өсч, чимээ гарах тохиолдолд галлагааг шууд зогсоох.
  • Зуухны галын хотолд хаа нэгтээгээс ус алдах тохиолдолд,
  • Галын хотолд байгаа оч, нурмаа яаралтай зайлуулах, үлээгүүр, сэнс, ус шахах үйлдлийг зогсоох
  • Мөн зууханд аваар үүсгэх болзошгүй нөхцөлд өөрийгөө түлэгдэлтээс хамгаалах хэрэгслийг бэлэн байлгаж ашиглах,
  • Зуухны байранд угаар гарах үед хаалга, цонхоо нээн өөрийгөө хордохоос хамгаалах,
  • Үүдэнд гэрэлтүүлэг, гар чийдэн зэргийг заавал тавих,
  • Ээлжийн ажиллагааны ажилчид өдөр бүр тэмдэглэл хөтлөж, зуухны ажиллагааны талаар харилцан хүлээлцэж байх,
  • Зуухны эргэн тойрондох тоос шороог байнга цэвэрлэх нь тухайн ажилтны эрүүл мэндэд тустай.
Зуухны даралт буурснаар түүний буцлах температур усны температураас бага болох зарцуулалт багасахад ус буцлах хэмээсээ  их халах тохиолдолуудад ус буцлаж уур үүссэнээс ашиглалтын хэвийн горим алдагдана. Мөн халаах гадаргуугийн зэрэгцээ хоолойнуудын төгсгөлд даралтын уналт харилцан адилгүй байх тохиолдолд тэдгээрийн зарим хоолойгоор дайран өнгөрөх усны зарцуулалт дунджаасаа багассанаар ус буцлаж, уур үүсэх шалгаан болдог. Иймд усны даралтыг шаардлагатай түвшинд барьснаар ус халаагуурын зуухны ажиллагааны хэвийн горимыг хангах боломжтой.
Энэ мэтчилэн машинист нь өөрийгөө болоод бусдыг эрүүл аюулгүй орчинд байлгахад онцгой анхаарал тавьж ажиллах хэрэгтэй.